Во нашата земја до 13 часот имаше 13 активни пожари, повеќето се локализирани. Пожарот во Кочани е под контрола, а најголемата битка се води во Старо Нагоричане.
Активен пожар над селото Градманци. На терен е излезена дежурна екипа ТППЕ и од ШС излегле на терен. Ситуацијата е под контрола.
Шумскиот пожар кој завчера се појави околу 12:30 кај м.в.Погана општина Валандово и кој зафати површина од 200 ха, во текот на вчерашниот ден беше во мирување се до 17 часот. Но со појава на северен ветер пожарот повторно се разгоре и имаше движење према селата Казандол и Богданци и зафати површина од околу 100 хектари. Денес во утринските часови поради тивкото време пожарот е во мирување, освен мал дел над селата Брајковци и Балинци. Екипите на ТППЕ, Шумско стопанство и ДЗС се на терен и распоредени се покрај наведените села .
Во моментот покрај постоечките пожари, во 07:40 се појави нов пожар во с.Бељаковце, општина Куманово каде гори сува трева и нискостеблеста мешана шума. Ангажирана е екипа на ТППЕ Куманово.
Во општина Старо Нагоричани во моментот и понатаму е активен пожар во с.Кокино кој се дели со длабок дол со с.Арбанашко- м.в. Рамно општина Старо Нагоричане каде гори висока борова шума, дабова шума, габер, сува трева и нискостеблеста мешана шума.
На терен се ТПП Единица Старо Нагоричане со 6 пожарникара, 5- Вработени полицајци од СВР Нагоричане, 30 припадници на АРМ, 6 лица вработени од ШС со едно теренско возило и неколку мештани од општината Старо Нагоричане.
Пожарите во околината на с.Делогожда-Струга и с.Девич-М.Брод се локализирани и ставени под контрола.
Пожар во општина Прилеп атарот на с. Канатларци и с.Подмол. На лице место излезена е екипа од ТППЕ Прилеп од 1 пп возило и 1 теренско возило, како и 7 пожарникари. Во овој момент пожарот во атарот на с. Канатларци и Подмол, е ставен под контрола.
Пожарот на запалена шума во атарот на с.Топлица, кој започна во текот на вчерашниот ден во 13.10ч. се уште е активен.
Пожарот што избувна на м.в.Бајаз Тепе во текот на вчерашниот ден, е се уште активен и е проширен. Интервенираат екипа а гори Дабова и Борова шума, нискостеблести растенија, стрништа и пасишта. Екипите работат на локализирање на истиот.
Пожарот кој избувна во текот на вчерашниот ден во атарот на с.Нов Истевник маало Пасјак е се уште активен и е зафатена површина од околу 30 ха. Гори борова шума и нискостеблести растенија. Екипите за гасење на пожар се на терен од раните утрински часови.
Пожарот ги има зафатено и атарите на општините Берово и Пехчево каде интервенираат работници од нивните Шумски стопанства.
Пожарот кој се појави вчера во 13:00 часот кај село Бели е целосно изгаснат. Во гасењето на пожарот учествуваа екипи од ТППЕ од Кочани, Штип, Свети Николе, Кавадарци и Скопје. 10 луѓе од ШС Осогово-Кочани и 90 војници и старешини од АРМ и месно население. Пожарот е изгаснат во 01:30 часот по полноќ.