Коалицијата ВЛЕН не очекува демонстрации и дестабилизација на земјата во есенскиот период, иако на такво нешто претходно предупреди шефот на Владата, Христијан Мицкоски. Неговиот прв заменик Изет Меџити вели дека и Европскиот фронт да поттикне протести, граѓаните Албанци нема да ги поддржат, бидејќи како што тврди, нема ниту национална ниту политичка кауза.
„Албанците нема да поддржат вакви протести и демонстрации каде што нема национална кауза и политичка кауза. Едноставно, им треба магла за да ја спасат сопствената кожа и да ги спасат Сорависите и другите корумпирани прашања што ги имале“, вели Изет Меџити.
Но, од Алијансата за Албанците, дел од Европскиот фронт, велат дека единствени кои шират вести за сценарија за дестабилизација се коалицијата ВЛЕН и Вучиќ. Го повикуваат ВЛЕН да се повлече, како што велат, од ваквите игри за да ги исплаши Албанците.
„Единствени кои продолжуваат да шират дезинформации за дестабилизирачки сценарија се претседателот на Србија, Александар Вучиќ и претставниците на вазалната коалиција „Влен“. Сите знаат дека првиот одговара на вакви ситуации и често бил провокативен со своите изјави. Но, кому му служат овие другите и на чија воденица праќаат вода, кои сè уште ја повторуваат реториката за дестабилизација“, вели Алијанса за Албанците.
Дека нема да има дестабилизација на државата, неодамна истакна и самиот шеф на ДУИ Али Ахмети, на средбата со бугарскиот амбасадор Ангел Ангелов. Ахмети ги повика граѓаните да не станат плен на провокации бидејќи предупредувањата за дестабилизација се измислици.
Универзитетскиот професор за безбедносни прашања, Башким Селмани, за ТВ21 изјави дека евентуална етничка дестабилизација во државата нема да им одговара на граѓаните, бидејќи тоа ќе им ја оптоварува економската благосостојба.
„Да, тоа е последица на тоа што сите албански политички субјекти низ владата, но и актуелната власт, немаат заедничка стратегија од причина што сите политички достигнувања што се постигнуваат во политиката немаа способност и можност да се регулираат сите овие политички процеси се покажаа како корисни или безбедни во правна смисла“, вели Башким Селмани.
Инаку, вчера претседателката на државата Гордана Силјановска Давкова изјави дека нема да го повика Советот за национална безбедност затоа што, според неа, предупредувањата за дестабилизација во моментов се само индикација, а реалноста е сосема поинаква.