Ломбардија во северна Италија, е ставена во состојба на тревога откако беа пријавени два сомнителни случаи на ебола. Случаите се жена и маж кои се вратиле од Уганда во последните 24 часа, кои биле ангажирани како хуманитарни работници околу три месеци.
И двајцата развиле симптоми што одговораат на вирусот ебола и било итно префрлени во специјализираната болница Сако во Милано, каде што се чекаат резултатите од тестовите.
Пациентите, жена од Лурате Качиви и маж од Булгарограсо, имаат висока температура, гадење, повраќање и цревни проблеми. Тие се примени во болницата Сако, установа специјализирана за справување со заразни болести со висок ризик, каде што се вршат тестови според националните и меѓународните протоколи. Регионалниот министер за социјална помош на Ломбардија, Гвидо Бертоласо, потврди дека се активирани итни процедури, но нагласи дека засега нема официјална потврда за присуството на вирусот.
„Сè уште нема сигурност дека станува збор за ебола“, изјави Бертоласо на прес-конференција. Тој додаде дека резултатите од дијагностичките тестови се очекуваат подоцна во понеделник и дека „се надеваме дека ќе бидат негативни“.