Две негувателки од градинката „Развигорче“ во Куманово позитивни на коронавирус. Четири воспитувачки и 8 деца се испратени во изолација. Директорката на градинката Марина Алексовска, вели дека здравствената состојба на децата е добра.
Ја прашавме министерката за труд и социјална политика, Јагода Шахпаска, дали се разгледува можноста за затворање на градинките и колку заразени треба да има за да им се стави клуч?
Министерот за здравство, Венко Филипче, вели дека ако се зголеми бројот на заразени во градинките, тогаш истите ќе се затворат.
Од Министерството за труд и социјална политика, информираат дека досега кај 10 деца и 21 вработен е регистрирано присуство на коронавирус. Од отворањето на градинките, во изолација беа над 150 деца.