​Edhe Veseli kërkon lirimin e Haradinajt

Në lidhje me arrestimin e liderit të AAK-së Ramush Haradinaj në Lubjanë ka reaguar edhe kryetari i Kuvendit të Kosovës, Kadri Veseli.
“Ndalimi në Lubjanë i deputetit të Kuvendit të Kosovës dhe kryetarit të AAK-së, Ramush Haradinaj, mbi bazën e një flet arresti të Serbisë, përbën një veprim të papranueshëm për Kuvendin e Republikës së Kosovës:, thuhet në reagimin e Veselit.
“Ne kërkojmë nga shteti slloven që ky veprim të korrigjohet sa më parë që është e mundur dhe z.Haradinaj t’i mundësohet kthimi në Kosovë”.
Sipas Veselit aktakuzat e Serbisë ndaj pjesëtarëve të Ushtrisë Çlirimtare të Kosovës janë aktakuza të bazuara mbi fakte të rreme dhe si të tilla nuk kanë të bëjnë asgjë, as me të vërtetën e as me drejtësinë .
Institucionet sllovene të ligjit nuk duhet të bien pre e manipulimeve që bën Qeveria e Serbisë me të tilla aktakuza, që në dy proceset e zhvilluara në Hagë ndaj Haradinaj janë provuar si aktakuza krejtësisht të pabazuara.