Европската Агенција за лекови (ЕМА) на вонредниот состанок донела заклучок дека вакцината АстраЗенека е сигурна за користење.
Комитетот за безбедност на ЕМА презеде детална проценка на малиот број случаи поврзани со појавата на згрутчување на крвта, што се случило кај примателите на вакцината.
Комитетот за проценка на ризик од фармаковиланција (ПРАК) ќе ги објави потребните препораки за понатамошно постапување по состанокот денеска.
ЕМА на Твитер објави дека Комитетот за проценка на ризик одржал вонреден состанок. Тие изјавија дека заклучоците од состанокот за вакцини ќе ги објават на нивната веб-страница и на прес-конференцијата.
EMA’s safety committee (PRAC) is holding an extraordinary meeting on the investigation on #COVID19vaccine AstraZeneca and thromboembolic events. Once the meeting is over, we will communicate the conclusions on the Agency’s website
— EU Medicines Agency (@EMA_News) March 18, 2021
По извештаите за случаи на згрутчување на крвта, некои земји во ЕU привремено ја стопираа имунизацијата со оваа вакцина, што дополнително ја одложува веќе слабата кампања за вакцинација. Многумина од нив најавија дека ќе чекаат проценка и препорака од Европската медицинска агенција.
ЕМА соопшти дека ги разгледува достапните податоци што се однесуваат на сите случаи евидентирани по вакцинирањето, вклучително и дополнителни податоци дадени од националните здравствени агенции.
„Брзата и темелна анализа на достапните податоци и клиничките околности во врска со специфични случаи продолжува да утврдува дали вакцината можеби придонела за нив или дали настаните се со поголема веројатност да бидат предизвикани од други причини“, велат од ЕМА.
И ЕМА и Светската здравствена организација (СЗО) препорачаа продолжување на вакцинацијата со АстраЗенека до ново известување, истакнувајќи дека нејзините придобивки ги надминуваат ризиците од Ковид-19.