ФК Тиквеш го повлече дресот со број 16 кој го носеше фудбалерот Андреј Лазаров

Македонскиот прволигаш ГФК Тиквеш го повлече дресот со број 16 кој го носеше фудбалерот Андреј Лазаров.

„Во чест и знак на благодарност за Андреј Лазаров, фудбалер и голем херој кој со своите настапи многу придонесе за успесите на нашиот клуб, дресот со број 16 кој тој го носеше во ГФК Тиквеш, трајно се повлекува од употреба и ќе остане како траен белег да ги краси клупските простории за негов вечен спомен. Ангелите живеат вечно. Збогум Андреј“, објави Тиквеш на својот фејсбук-профил.

Лазаров, кој беше роден во Кочани, настапуваше за тимот од 2019 до 2023 година, пред да ја продолжи кариерата во хрватските екипи Рудеш и Горица. Негов последен клуб во живот беше Шкупи.

Лазаров го загуби животот во катастрофалниот пожар во кочанската дискотека „Пулс“.