Итните британски служби попладнево брзо се упатија кон поле во Есекс, Велика Британија, откако се урна мал авион, при што едно лице беше повредено. Состојбата на лицето и степенот на повредите сè уште не се познати.
Полицијата, итната медицинска помош и воздушната брза помош брзо пристигнаа на местото на несреќата за да помогнат во извлекувањето на повредениот. Засега не е познато дали имало и други лица. На лице места пристигнале четири противпожарни екипи.
„Пожарникарите од Данмоу, Њупорт, Брентвуд и Сафрон Волден беа повикани на местото на несреќата на лесен авион во Стебинг попладнево. По пристигнувањето, екипите, заедно со полицијата, брзата помош и воздушната брза помош, помогнаа во извлекувањето на повреденото лице од авионот и го обезбедија местото на несреќата.“, соопшти противпожарната и спасувачка служба на округот Есекс.
Повредениот е предаден на службите за итна медицинска помош и на воздушната амбуланта за понатамошна нега.