Изградба на базен, ќе биде првата работа која ќе ја направи Висар Ганиу, кој ќе управува со Чаир во наредните четири години. Тој денеска го доби Уверението за новиот 4-годишен мандат.
„Поради локалните избори немавме право да го ставиме камен-темелникот за новиот базен во Топанско Поле. Сите постапки се завршени, операторот е избран и мислам дека ова ќе биде првиот проект на кој ќе работиме, но ова е проект продолжение од претходниот мандат“, посочи Висар Ганиу.
Откако ќе го изгради планираниот базен, Ганиу ќе работи и на проширување на улицата „Цветан Димов“, позната како Чаирчанка. Објавен е идеен проект за оваа улица и истата ќе биде проширена, уверува Ганиу, но не откри кога ќе бидат отстранети бетонските барикади.
„Барикадите, неколкупати рековме дека се привремено решение. Не се долгорочно решение и како што реков и претходно, наш приоритет е проширување на улицата „Цветан Димов“. Со проширувањето на оваа улица, се разбира дека барикадите нема да останат таму“, вели Висар Ганиу.
ТВ21 ги праша чаирчани каква порака имаат за градоначалникот:
По церемонијата, Ганиу им се заблагодари на граѓаните и истакна дека ќе биде градоначалник на сите жители во општината.