Министерот за надворешни работи на Грција, по повод неговото учество на Министерскиот состанок за европска перспектива на Западен Балкан, истакна дека патот на Западен Балкан е еднонасочен пат кон Европа и ние ќе продолжиме да го браниме тоа.
„Дваесет и една година по усвојувањето на Солунската агенда во однос на перспективата за европска интеграција на Западен Балкан, Грција повторно е во првите редови и авангарда на овој голем напор. Затоа што патот на Западен Балкан е еднонасочен пат кон Европа и ние ќе продолжиме да го браниме ова. Се разбира, овој пат треба да се заснова на верното почитување на европското законодавство, демократијата, владеењето на правото, се разбира правата на малцинствата и верната примена на меѓународното право и меѓународните договори“, порача тој.
Тој додава дека имал можност да ги покрене овие прашања.
„Имав можност да ги покренам овие прашања. Грција ќе продолжи да биде во сржта на државите, пријателите од Западен Балкан да промовираат Европа, која ќе биде голема, ќе биде силна и ќе ги вклучи сите држави од нашето пошироко соседство за напредок, за мир, за просперитет“, вели тој.