Професорот за безбедност Марјан Ѓуровски во „10 Минути“ на ТВ21 истакна дека екстремизмот и радикализмот, како и злоупотебата на дел од религиозните прашања, во контекст на загрозување на други човекови права и слободи од одредени верски заедници и религиозни групи кои претставуваат закани за редот и стабилноста на сите земји во светот, а вклучително и факторите на миграцијата придонесуваат за безбедносен ризик.
„Постојат лица коишто се или биле на странски територии, се вратиле и реално делуваат, односно проповедаат радикализам и екстремизам, тоа се случува и на територијата на Скопје каде постојат јасно лоцирани места коишто се надвор од контрола“, посочува Ѓуровски.
Тој вели дека треба заеднички да се работи и со семејствата на лицата повратници.
„Злоупотребувањето на одредени религиозни прашања во контекст на глобални запоседнувања на светот заради некој верски права и злоупотребата во суштина доведува до дестабилизација“, додава професорот.