Најмалку три лица се убиени, а 16 се ранети во пукотница што се случи синоќа пред ноќниот клуб „Артис Лаунџ“ во центарот на Чикаго, соопштија градските власти.
Според полицијата, пукањето избувнало кога поголема група луѓе го напуштале клубот по забавата за промоција на албумот на локалниот рапер Мел Бакс, објави Си-Би-Ес.
Градски службеник потврди дека вкупно 19 лица биле застрелани, од кои тројца починале.
Според достапните информации, пукањето започнало од возило во движење.
Истата локација беше место на уште едно пукање во ноември 2022 година, кога тогашниот клуб „Хаш Лаунџ“ беше затворен по пукањето во кое едно лице беше убиено, а тројца беа ранети.
Mass shooting in Downtown Chicago, Illinois: Up to 12 people shot at 311 W Chicago Ave.
CPR underway for multiple victims as local hospital declares mass casualty emergency.
Incident occurred at a nightclub, with reports of at least one fatality. Police investigating, no… pic.twitter.com/lUKDAQ6MR6
— GeoTechWar (@geotechwar) July 3, 2025