Иранскиот заменик-министер за надворешни работи, Казем Гарибабади, ги негираше тврдењата дека Иран го нападнал Азербејџан, откако властите на земјата објавија дека два ирански беспилотни летала ја погодиле нивната автономна енклава Нахичеван, вклучувајќи ја и зградата на аеродромот.
„Исламската Република Иран не ја нападна Република Азербејџан“, рече Гарибабади во соопштение објавено од иранската новинска агенција Тасним.
Video of Iranian drone hitting the Nakhchivan airport in Azerbaijan. pic.twitter.com/hlLIC0MiZy
— WarMonitor🇺🇦🇬🇧 (@WarMonitor3) March 5, 2026
„Ние не ги напаѓаме нашите соседни земји“, додаде тој.
Гарибабади рече дека политиката на Иран е насочена исклучиво кон напаѓање на непријателски воени бази кои дејствуваат во регионот и се користат за напад врз Иран, вклучувајќи ги и оние на САД и Израел.
За потсетување, азербејџанските власти објавија дека беспилотни летала што летале од Иран паднале врз аеродромската област и околината во азербејџанската енклава Нахичеван.
Според првичните информации, две лица се повредени во нападот со беспилотно летало врз аеродромската област. Друг дрон паднал недалеку од училиште.
Снимки од напад со беспилотно летало врз аеродромската област во Нахичеван се појавија на социјалните мрежи.
Аеродромот се наоѓа на околу 10 километри од границата со Иран.
Нахичеван е азербејџанска енклава одвоена од остатокот од земјата со територијата на Ерменија и се граничи со Иран и Турција.