Во текот на минатата, 2020 година, на поширокото тетовско подрачје вкупно регистрирани се 617 сообраќајни несреќи или 167 помалку во споредба со претходната 2019 година.Значително помал е и бројот на „сообраќајки“ со тешко повредени (34) и со телесно повредените лица (265), додека бројот на загинатите е ист-8, а повеќе од половина од несреќите (310) завршиле само со причинета материјална штета.
Најголемиот број од ланските несреќи (439) се случиле во населено место и 178 несреќи се евидентирани на отворен пат.
Најчести причини за несреќите и пред се за оние со посериозни последици се: неприлагодена брзина според условите на патот (175 несреќи), неправилно вршење на дејствие (126) и недавање предност (18).
Во овој период регистрирани се 37 излетувања од коловоз на возачи и 56 несреќи предизвикани од животни, претежно од кучиња-безодмници, најмногу на автопатот Гостивар-Тетово-Скопје.
Кога станува збор за минатогодишната безбедност во сообраќајот на тетовското подрачје, најкритичен ден бил петок со 110 несреќи, а најризичен период во денот -од 16 до 18 часот.