Јаник Синер е вториот финалист на Австралија Опен

Италијанскиот тенисер Јаник Синер успеа да се пласира во финалето на Австралија опен каде ќе ги одмери силите против Александар Зверев.

Првиот на АТП листата Синер успеа да го совлада Американецот Бен Шелтон кој е 21. во светот со 3:0 по сетови 7:6(2), 6:2, 6:2 за два часа и 38 минути игра.

Шелтон направи брејк на самиот старт на мечот, но веќе во четвртиот гем Синер успеа да возврати и да израмни. Се водеше голема борба, а потоа во 11. гем Шелтон уште еднаш изби. Американецот имаше две сет топки, но не успеа да ги искористи. Синер издржа и стигна до тај-брејкот, во кој рутински победи со 7:2 и поведе во сетови – 1:0.

Шелтон падна по првиот сет. Синер веќе на стартот успеа да направи двоен брејк и да поведе со 4:0. Американецот успеа да освои два гема, но потоа Италијанецот стигна до три сет топки на свој сервис и го искористи првиот за 6:2 и 2:0 во сетови.

Слична ситуација се одвиваше и во третиот, решавачки сет. Сепак, Шелтон влезе подобро, но падна во петтиот гем. Синер направи брејк, па уште еден во седмиот гем, а потоа на свој сервис стигна до победата.

Претходно Зверев стигна до финалето, откако Новак Ѓоковиќ поради повреда го предаде мечот.