Безбедносната служба на Украина (СБУ) вечерва објави дека голем напад врз воените аеродроми во Русија предизвикал штета од седум милијарди долари на авијацијата.
„Седум милијарди американски долари. Ова е проценетата штета на непријателската стратешка авијација, која беше погодена денес како резултат на специјалната операција „Пајажина“ спроведена од СБУ“, се вели во соопштението објавено на Телеграм.
Додаде дека биле погодени 34 проценти од авионите што носеле стратешки крстосувачки ракети.
Агенцијата Франс Прес објави дека оваа информација не може да се потврди од независни извори.
Руските власти претходно денес соопштија дека неколку нивни воени авиони се запалиле за време на голем украински напад со беспилотни летала и додадоа дека ги привеле осомничените.
„Во регионите Мурманск и Иркутск, неколку авиони се запалија по лансирањето на беспилотни летала FPV од областа во непосредна близина на аеродромот“, напиша руското Министерство за одбрана на Телеграм.
Ukraine today carried out one of the most impressive and significant operations of the war, with cargo containers outside of several airbases across Russia opening to reveal dozens of remote-controlled fpv drones which were used to target military aircraft at each of the bases.… pic.twitter.com/185L1V5dOY
— OSINTdefender (@sentdefender) June 1, 2025
🚨 WATCH NOW: Ukraine’s daring “Spider’s Web” drone op obliterates over 40 Russian warplanes, including Tu-95 & Tu-22M3 bombers, deep inside Russia! 🇺🇦 Planned for 18 months, drones hit 5 airbases, causing billions in damage. Russia admits attacks but downplays losses.… pic.twitter.com/XJpTKu8PQw
— X Global Update (@XGlobalUpdate) June 1, 2025