Александар Кирацовски на својот Фејсбук профил пишува дека не треба да се суди пратеникот од Левица, мислејќи на претседателот Димитар Апасиев, бидејќи тоа што тој е присутен во Собранието, зборува за нив.
„Не судете го пратеникот од Левица. Начинот на кој тој пишува и зборува, кажува за него. Но, тоа што тој е присутен во Собранието, зборува за нас…“, пишува Кирацовски.
Тој вели дека Апасиев е молотовиот коктел што скоро 40 илјади сограѓани го фрлиле врз македонскиот Парламент, за да ги опаметат!.
„Повеќето од нив се млади луѓе, поборници за праведна држава, а ние со нашето (не)постапување по многу битни општествени прашања, им ги обезбедивме “шишето, бензинот и крпчето! Нивна беше само искрата која го разгори поривот за фер општество“, пишува Кирацовски.
Тој додава дека првиот момент кога ќе обезбедат правда, според него, е тоа кога криминалците ќе одговараат, корупцијата ќе биде сведена на нула и ќе исчезне и потребата од овој тип политичари!