Од понеделник приватните специјализанти ќе одржат генерален штрајк, бидејќи и по протестите и средбата со министерот за здравство, Илир Демити, велат дека не се слушнати нивните барања за покачување на платата и подобрување на условите.
Но со какви последици ќе се соочат пациентите од овој штрајк на околу 600 приватни специјализанти?
Од МЗ даваат надеж дека барањата на специјализантите ќе се реализираат. Изминативе години, платата на здравствените работници беше покачена неколку пати и беа подобрени нивните услови за работа, на ист начин ќе им се помогне и на приватните специјализанти, велат од таму.
-Ве известуваме дека по средбата со нив, изготвен е извештај кој е доставен до Влада, каде ќе се разгледаат на една од седниците нивните барања и можни решенија во овој предизборен период-велат од Министерството за здравство.
Пред две недели, специјализантите излегоа на протест поради лошите услови за специјализација и ниските придонеси од 26 илјади денари. Според лекарот Бојан Трајковски, најнелогичен е фактот што немаат здравствено осигурување.
НАЈНОВИ ВЕСТИ
