Коцевски: Со 7 нови полицајци вечерва се проширува истрагата за Кочани

Државниот јавен обвинител, Љупчо Коцевски, во вечерашното интервју за ТВ Телма откри дека истрагата во врска со настанот во Кочани се проширува со приведување на уште седум полициски службеници.

-Во моментов добив известување дека има издадено наредба за приведување на уште седум полициски службеници и во моментов истите ќе бидат приведени. Истрагата се проширува за уште седум полициски службеници во врска со настанот за кабарето „Пулс“, вели Коцевски.

„Во рамки на предистражна постапка МВР постапува на терен во врска со обезбедување на полициски службеници, до ОЈО ГОКК е доставена кривична пријава. Повеќе информации во текот на утрешниот ден“, велат од ОЈО.