Премиерот Албин Курти објави неколку фотографии од Бањска местото каде утрово се случи убиството на косовскиот полицаец. На фотографиите се маскирани, униформирани лица и автомобили без регистарски таблички.
Курти кажа дека напаѓачите се веќе пронајдени и опколени, и дека во моментов трае операција за нивно приведување.
„Нападите на вооружените групи и натаму траат. Има најмалку 30 тешко вооружени лица кои се опкружени од нашата полиција и им порачувам да се предадат. Тие се лица кои ја напаѓаат нашата полиција“, рече Курти, после седницата на Советот за безбедност.
