Либиските власти открија речиси 50 тела во две масовни гробници во пустината во југоисточниот дел на земјата, соопштија денеска властите.
Првата масовна гробница со 19 тела е пронајдена во петокот на фарма во југоисточниот град Куфра, се вели во соопштението на Управата за безбедност.
Властите објавија слики на нивната Фејсбук страница на кои се гледа како полицијата и медицинските лица копаат низ песокот и ги извлекуваат телата, кои беа завиткани во ќебиња, а потоа испратени на обдукција, пренесува АП.