Македонија тагува: Во тешка сообраќајка загина млад кошаркар

ПОСЛЕДНИ ВЕСТИ

Во тешката сообраќајна несреќа која се случила вчера нешто по полноќ на патот Стар Дојран и Нов Дојран, починал младиот кошаркар Иван Пенов.

„На 20.02.2021 во 00,50 часот било пријавено дека на патниот правец Стар Дојран-Нов Дојран, патничко моторно возило „опел мерива“ со гевгелиски регистарски ознаки, управувано од И.М.(20) од Гевгелија, излетало надвор од коловозот. Во незгодата на местото на настанот починал сопатникот И.П.(19) од Гевгелија, а со повреди се здобиле И.М. и сопатникот В.С.(19) од Гевгелија констатирани во Општата болница Гевгелија.“

Пенов настапуваше во младинските категории за Кожув, но беше регистриран и за сениорскиот тим на прволигашот од југот на земјава во нивната 2020/21 кампања.

Од кошаркарскиот клуб Кожув на својот Фејсбук профил ја потврдуваат веста и упатуваат длабоко сочувство до фамилијата и најблиските.