Мадона, Шакира и познатата група БТС се потврдени како настапувачи на првото шоу на полувремето од финалето на Светското првенство, кое ќе се одржи во САД, Канада и Мексико.
Финалето ќе се одржи во недела, 19 јули, на стадионот „МетЛајф“ во Ист Радерфорд, Њу Џерси. За прв пат во историјата на Светското првенство, ќе има шоу во живо со ѕвезди за време на полувремето – слично на она што може да се види на Супербоул.
Во финалето ќе настапи и Крис Мартин од „Колдплеј“, а неговото видео на социјалните мрежи потврди дека шоуто ќе биде дополнето и со Мадона, Шакира и БТС.
Исто така треба да настапат и ѕвездите од „Мапет Шоу“ – мис Пиги и Статлер и Валдорф.
Повеќе детали за настапот се очекува да бидат објавени подоцна, а целото шоу ќе трае 11 минути.
Шоуто на полувремето ќе го поддржи и Глобалниот фонд за граѓанско образование на ФИФА , значајна иницијатива чија цел е да се соберат 100 милиони долари за проширување на пристапот до образование и фудбал за децата ширум светот.