Премиерот Еди Рама изјави дека Албанија успешно помина уште една важна етапа во процесот на евроинтеграциите, и покрај нападите и клеветите на опозицијата. Тој ги обвини политичките противници дека се обиделе да го нарушат имиџот на земјата на меѓународната сцена преку насилни протести, вандалски чинови и денигрирачки кампањи против владата и процесот на преговори со Европската Унија.
Според Рама, опозицијата ширела тврдења дека европскиот пат на Албанија е блокиран и дека земјата е изолирана, но последните случувања во Брисел го покажаа спротивното. Премиерот нагласи дека на 26 мај Меѓувладината конференција Албанија-ЕУ ќе го запечати завршувањето на почетната фаза и отворањето на крајната фаза од преговорите за членство на земјата во Европската Унија.