Мексиканските власти објавија дека за еден ден привеле 5.234 мигранти низ целата земја.
Операцијата ја изведоа морнарицата и армијата, како и имиграциските власти.
Овој потег доаѓа во време на притисок од новоизбраниот американски претседател Доналд Трамп врз Мексико да ги засили напорите да ги спречи мигрантите да доаѓаат во САД.
Исто така, му претходеше телефонски разговор минатиот месец помеѓу мексиканската претседателка Клаудија Шајнбаум и Трамп, по што тој изјави дека таа „се согласила да ја запре миграцијата преку Мексико“ во САД.
Нејзината изјава по разговорот се разликуваше од онаа на Трамп.
„Во нашиот разговор со претседателот Трамп, му ја објаснив сеопфатната стратегија што Мексико ја следеше за справување со феноменот на миграцијата, почитувајќи ги човековите права“, изјави таа во објавата на X.
Таа додаде дека ставот на Мексико не е да ги затвора границите, туку да гради мостови меѓу владата и народот.
Трамп се закани дека ќе воведе увозни тарифи од 25 отсто на мексикански стоки доколку земјата не го запре протокот на мигранти и дрога преку границата.