Аргентинската суперѕвезда Лионел Меси не проговори по поразот од Шпанија со 1-0 во финалето на Светското првенство во неделата.
39-годишникот го напушти стадионот и не зборуваше со медиумите. Но, во понеделник, Аргентинецот го прекина молчењето објавувајќи порака на својата страница на Инстаграм.
„Многу боли и ќе биде потребно време оваа рана да заздрави. Но, со себе ги носам и сите добри работи… Натпреварите каде што ја сменивме ситуацијата давајќи сè што имавме и тоа засекогаш ќе остане во моето сеќавање, со поддршката на цела земја, која, заедно, со работата и трудот на оваа група, нè врати меѓу најдобрите во светот. Денес е тешко да се цени она што го направивме, но овој тим стигна до две последователни финалиња на Светските првенства“, напиша Меси на Инстаграм.
„Ви благодарам многу од дното на моето срце за секој поздрав и за секоја порака. Уште еднаш, успеавме да се обединиме како земја и да бидеме сите заедно, споделувајќи ја големата гордост што сме Аргентинец.“, напиша Меси, и притоа и ја честиташе победа на Шпанија.