Веста за договорот меѓу САД и Иран предизвика моментален пад на цените на нафтата на светските пазари. Фјучерсите за суровата нафта „Брент“ паднаа за 4,02% на 83,82 долари за барел, додека американската сурова нафта „Западен Тексас интермедијар“ падна за 4,63% на 80,95 долари за барел. На прашањето за цените на горивата во Македонија, премиерот Христијан Мицкоски рече дека очекува цените на горивата да бидат стабилни или малку да се движат, со минимални промени за нафтата и бензинот во наредните денови. Тој додаде дека се очекува позначаен пад на цените следната недела, нагласувајќи дека Македонија останува меѓу земјите со најевтини горива во регионот.
„Одлуката што треба да ја донесе КРРЕ е поврзана со минатата недела. Според нашите пресметки, бидејќи се прекинува кризната состојба, бидејќи е постигнат договор, очекувам цените да се движат во рамките на половина денар или да останат исти, кога станува збор за дизел горивото и околу 1,5 до 2 денари зголемување за бензинот, а следната недела очекувам значително намалување, бидејќи денес берзанските цени на нафтата и нафтените деривати драматично паднаа, движејќи се некаде околу 82-83 долари за барел, па следната недела очекувам поголемо намалување, во спротивно ќе продолжиме да останеме земја со најниски цени на бензинот и дизелот во регионот“, рече Мицкоски.