МНР на Бугарија за изјавите на Мицкоски: Уште еднаш демонстрира недоволно разбирање на одлуките на Европскиот суд за човекови права

Попладнево стигна реакција на Министерството за надворешни работи на Бугарија на изјавите на премиерот Христијан Мицкоски.

Тие велат дека уште еднаш потсетуваат дека Европскиот консензус од јули 2022 година, одобрен од сите земји-членки на ЕУ и Скопје, останува валиден патоказ за напредокот на соседната земја во нејзиниот пристапен процес.

„Зачудувачки е што обврските преземени од Република Северна Македонија од страна на нејзиниот премиер се доживуваат како „мешање во нејзините внатрешни работи“. Ваквите изјави ги сметаме како уште еден обид да се заобиколат преземените обврски и да се сврти вниманието на јавноста од недостатокот на реформи. Претседателот на Владата на Република Северна Македонија уште еднаш демонстрира недоволно разбирање на одлуките на Европскиот суд за човекови права. На тој начин, сакајќи или несакајќи, промовира манипулативни и лажни тези, кои би можеле да се сметаат за вистинско мешање во внатрешните работи на Република Бугарија, стои во реакцијата на бугарското МНР.