Владата денеска на седница донесе нови кадровски решенија, дознава ТВ21 од свои извори.
Па така, досегашниот заменик генерален секретар на Владата, Тахир Хани е разрешен од должноста, но и понатаму ќе зема плата односно, денеска на владина седница му е утврдено правото на плата по престанување на функцијата до стекнување на право на старосна пензија.
На негово место доаѓа Хасим Муртезани.
Лидерот на Демократски сојуз, Павле Трајанов денеска е именуван за Национален координатор за спречување на насилен екстремизам и борба против тероризам, сметано од 1.8.2024 година.
Лидерката на Глас за Македонија, Солза Грчева пак е именувана за Национален координатор за реформи во високо образование.
Исто така, се разрешува в.д. директорот на Државен архив, Христа Најданов, а на нејзино место именувана е Наташа Котлар.
Седницата на Влада моментално е на пауза, а за другите точки ќе се разговара во текот на попладнево.