Полицијата соопшти дека во рамки на оперативната акција „Чистач“, од септември 2024 година досега се лишени од слобода 5.628 лица, при што се извршени 1.158 претреси и се поднесени 1.135 кривични пријави.
Според МВР, акцијата е фокусирана кон борбата против насилниот криминал, нелегалната трговија со дрога и прекуграничниот криминал.
Од поднесените пријави, 1.047 се однесуваат на кривични дела поврзани со дрога, а во текот на акциите биле запленети марихуана, кокаин, амфетамин, хероин, хашиш, таблети МДМА, оружје и пари.
МВР соопшти дека биле спречени и меѓународни канали за шверц на дрога на граничните премини Табановце, Деве Баир и Стар Дојран.