Наумовски: Војната во Украина брзо ќе заврши, затоа што Трамп нема повеќе да дава воена помош

Поранешниот амбасадор на Македонија во САД, Васко Наумовски во интервју за ТВ21 во емисијата „Дејли Клик“, рече дека очекува војната во Украина брзо да заврши, откако Доналд Трамп официјално ќе стапи на функцијата претседател на САД.

„Војната во Украна продолжи поради своевидна помош која ја добиваше Украина, и тоа е една од грешките кои ги направија западноевропските земји и САД. Една од причините зошто оваа војна ќе заврши многу брзо под Трамп, е тоа што САД нема веќе да даваат воена помош на Украина. Во една прилика Трамп го опиша Зеленски како најголем трговец на оружје, затоа што кога и да дојде во САД си заминува со повеќе оружје. Сметам дека тоа повеќе нема да се случи и ќе дојде крајот на војанта“, изјави Наумовски.