На социјалната мрежа Твитер се појави видео снимано во автобус на ЈСП Скопје, каде две лица се однесуваат агресивно, а упатуваат и закани кон останатите патници само поради тоа што им кажале да стават заштитни маски.
„Ќе треба на некого главата да му ја скршам“, „абе нема држава, ќе работи државата за мене и полиција. Немој госпоѓо…ќе те носам у киселина, ќе те топам“, „не знаеш со кого си имаш работа“, се само дел од коментарите на двете лица.
Од Министерството за внатрешни работи за „360 степени“ велат дека се запознаени со видеото и дека се испитува случајот.
Ај да ги направиме познати МОРОНИВЕ! Жена во години им вели да стават маска, тие ја тепаат! Се закануваат на пола автобус дека ќе му сечат глава и дека ќе ги ставаат во киселина! На крај ја напаѓаат девојката која снима! #ПодМачБато pic.twitter.com/TqDsXilg8s
— Charles Boycott (@JohnnyParka) January 8, 2021
Инаку, засега нема информации за тоа кога точно се случил инцидентов.