ИАКО празничната сезона е малку зад нас, овие вкусни топчиња со путер од кикирики натопени со бело чоколадо се совршено задоволство за да ве одржуваат во зимско расположение. Додека сонцето не грее во овие топли зимски денови, овие мали задоволства кои не треба да се печат ќе ја задоволат сечија потреба за слатки. Путер од кикирики и чоколадо се класична комбинација, а доколку не сте љубители на белото чоколадо, слободно заменете го со нешто друго. Подготовката е многу едноставна, па зошто да не започнете веднаш?
Што ќе ви треба?
За да ги подготвите овие слатки топчиња, потребна ви е мешавина од шеќер во прав, кремаст путер од кикирики, стопен путер, трошки од греам крекер, лажица мед и малку сол, како и малку бело чоколадо и масло за премачкување, а не да заборавите на прскалките за декорација.
Подготовка
Најпрво обложете поголем плех со хартија за печење. Во голема чинија измешајте шеќер во прав, путер од кикирики, стопен путер, трошки од крекер од Греам, мед и сол. Измешајте ги состојките со жица за матење или рачен миксер додека смесата не се изедначи и целосно се соедини.
Со помош на мало лажиче формирајте топчиња од подготвената смеса и ставете ги на подготвениот лист или плех. Обликуваните топчиња ставете ги во фрижидер 30 минути за подоцна полесно да се справите со нив.
Во среден сад измешајте ги стопеното бело чоколадо и маслото и мешајте додека смесата не се изедначи. Потопете ги топчињата во бело чоколадо и ставете ги во плех обложен со хартија за печење. Украсете ги со шарени трошки или посипете по желба, па ставете ги во фрижидер 1 до 2 часа да се стегнат. Деталниот рецепт може да го најдете ТУКА.
Убавината на овие слатки балиња е што можете да ги декорирате како што сакате. Можете да ги премачкате со темно чоколадо и да ги виткате во мелени ѓевреци или да ги оставите без никаков украс. Изборот е твој!
Подгответе ги однапред
Чоколадните тартуфи се вид на десерт кој лесно може да се подготви однапред. Едноставно подгответе ги според упатствата, а потоа ставете ги во фрижидер додека не дојде време за сервирање. Тие ќе траат од 3 до 4 дена во фрижидер, а во замрзнувач можете да ги чувате до 2 месеци. Кога ќе бидете подготвени за послужување, само одмрзнете ги во фрижидер преку ноќ.