Денеска се случи несреќа на улична трка во Осиек. Имено, еден од учесниците на 31-та улична трка Осиек излетал со својот автомобил од патеката и удрил во гледачите. Четири лица се повредени и префрлени во болница.
Полицијата за настанот била известена околу 15:25 часот и веднаш излегла на местото на настанот. Во тек е истрага, информираат од полицијата.
Уличната трка Осиек се одржа на спортскиот аеродром Осиек-Чепин и собра 230 натпреварувачи од Европа. Како што можете да се види на видеото објавено на Фејсбук, автомобилот удрил во трибината поставена до пистата.