Несторовски се врати во Хрватска, ќе игра во Славен Белупо

Искусниот македонски голгетер Илија Несторовски, повторно ќе игра во Хрватска, откако денеска го комплетираше трансферот во Славен Белупо.

Несторовски во минатото беше дел од Интер Запрешиќ, каде во сезоната 2014/15 заврши како прв стрелец во хрватската Прва лига, а потоа направи трансфер во Палермо во Италија, а играше и за Удинезе и Асколи.

Славен му посака добродојде на Несторовски, а тој ќе има задача со голови да го спаси својот тим од најлошото, со оглед дека Славен има лош почеток на сезоната во ХНЛ.