Нетанјаху пред двата дома на американскиот Конгрес: Се среќаваме на раскрсницата на историјата

Израелскиот премиер Бенјамин Нетанјаху денес им се обрати на американските конгресмени на заедничката седница на двата дома на Конгресот.

„Денес се среќаваме на раскрсницата на историјата. Нашиот свет е во превирања. На Блискиот исток, иранската оска на терор се соочува со Америка, Израел и нашите арапски пријатели. Ова не е судир на цивилизации. Ова е судир меѓу варварството и цивилизацијата меѓу оние кои ја слават смртта и оние кои се посветени на животот, Америка и Израел мора да бидат заедно“, рече Нетанјаху, кој пред говорот доби овации од двете страни во Конгресот, пренесува CBS News.

Нетанјаху беше жестоко критикуван за големиот број на палестински жртви и се соочува со зголемен домашен и меѓународен притисок да постигне договор со Хамас за да обезбеди ослободување на преостанатите заложници во замена за привремен прекин на борбите.