Скопје попладнево е зафатено од силно невреме проследено со пороен дожд, засилен ветер и интензивни грмежи.
Според последните информации, врнежи се регистрирани и во северозападните и централните делови на Македонија, а нестабилната временска состојба се движи од запад кон исток.
Граѓаните се повикуваат на зголемена внимателност при движењето, особено во сообраќајот, поради можноста од намалена видливост, задржување на вода на коловозите и силни налети на ветер.
Надлежните служби ја следат состојбата, а се препорачува да се избегнува престој на отворено за време на интензивните врнежи и грмежите.