Германскиот град Улм претстави уникатно решение за сместување на бездомници во текот на зимските месеци – топли капсули за спиење поставени во паркови и други места каде што се знае каде живеат бездомниците.
Градот, на 75 милји западно од Минхен, ги именуваше капсулите „УлмерНест“.
Кабините се направени од дрво и челик и можат да соберат до две лица, кои можат да се заштитат од студ и дожд. Обезбедена е и циркулација на воздухот.
A German city has installed a number of pods for homeless people fitted with thermal insulation to sleep in
— Sleepwalker (@Sleepwa69567955) January 22, 2021
Ulm Karlsruhe pic.twitter.com/Xxh16LlhRc
Соларните панели обезбедуваат енергија, а постои и радио мрежа што им овозможува на луѓето да комуницираат доколку немаат мобилен телефон.
Луѓето кои користат кабини можат да ги отворат без да мора да се регистрираат, а потоа да ги заклучат одвнатре.
Кога ќе се отворат, социјалниот работник автоматски се известува. На тој начин може да ја посети кабината наутро.
Корисниците можат да останат анонимни, а капсулите ги одржува, чисти и поправа добротворната организација Каритас Улм Алб Донау.
„Видовме некои ефекти од овој проект за кои никогаш не сонувавме дека може да се случат, како соседите кои послужуваат чај за да ги разбудат корисниците наутро. Исто така, градските власти секогаш давале голема поддршка на проектот, за што сме многу благодарни “, рече Флоријан, еден од авторите на проектот.
Тој додаде дека луѓето доаѓаат да се заблагодарат за обезбеденото засолниште, а тоа им значи многу на луѓето од организацијата, додаде Флоријан.