Нова странска инвестиција во ТИРЗ Штип – „Магнамехатроникс“ инвестира 40 милиони евра со 600 работни места

ПОСЛЕДНИ ВЕСТИ

Во Технолошко индустриската развојна зона Штип наскоро ќе се отвори фабрика инвестиција на компанијата Магнамехатроникс која ќе работи на дизајн, развивање и производство на автомобилски системи, модули и компоненти.

Директорот на Дирекцијата на ТИРЗ Јован Деспотовски рече дека ова е прва странска инвестиција за годинава од 40 милиони евра а која ќе обезбеди 600 нови работни места.

„Инвестицијата предвидува според деловниот план најмалку 600-ини работни места и лично очекувам оваа бројка да биде доста поголема бидејќи сепак е значаен обем и на самата инвестиција од 40 милиони евра. Локацијата  е избрана за да можеме да поттикнеме порамномерен регионален развој бидејќи бенефитите од странските инвестиции не се исклучива привилегија на граѓаните на главниот град. Проценките кои што ги направи компанијата секако и со наша поддршка говорат дека има доволно резервоар на работна сила што од аспект на луѓе кои што доаѓаат на пазарот на труд значи пред се млади луѓе“, вели Јован Деспотовски.