Во Велика Британија е на сила црвено предупредување поради екстремно високите температури, а метеоролозите предупредуваат дека во следните два дена температурите би можеле да ги достигнат или надминат историските рекорди.
Се очекува температурите во одделни делови од земјата да достигнат над 30 степени Целзиусови, со можност да се приближат до 40 степени, што би било блиску до националниот рекорд од 40,3 степени, измерен во 2022 година во Линколншир, пренесува Скај њуз.
Метеоролошката служба соопшти дека максималната прогнозирана температура е околу 39 степени, најверојатно во Лондон и југоисточна Англија, при што постои можност температурите дополнително да се зголемат доколку неповолните временски услови се интензивираат.