Страшна трагедија се случила вчера во Австралија, пренесуваат тамошните медиуми.
Во домот на семејството Периновиќ во Мелбурн, полицијата пронашла четири мртви тела.
Телата на Клер (7), Ана (5) и Метју (3) и нивната мајка Кети биле откриени во вчера попладне во нивниот дом во Туламарин, северно предградие.
Полиција се сомнева дека убиството е извршено од нивната мајка, која подоцна си го одзела животот.
Инаку, мајката Кети била со хрватско потекло.
Нејзиниот сопруг Томислав Периновиќ повикал брза помош, а полицијата го испрашала пред да биде ослободен без обвинение. Одделот за убиства извести дека 48-годишниот татко бил веднаш ослободен од затвор откако било утврдено дека тој не бил вмешан во убиствата.
„Истражителите не веруваат дека 48-годишникот бил вклучен во инцидентот. Не бараме никого понатаму по ова прашање“, објави полицијата.
Според соседите, Кејти се однесувала чудно во последните неколку месеци и дека можно е да паднала во депресија.
Таа се откажала и од својата работа пред три месеци, каде што работела како физиотерапевт, пишува локалниот портал News9.