Новогодишниот концерт на Виенската филхармонија на 1 јануари 2021 година е пооптимистичен од вообичаеното, иако ќе се игра пред празна сала.
Годинашниот концерт го означува симболичниот крај на еден драматичен период, а воедно и првиот настан во новата година за индустријата што покрај туризмот, најтешко го поднесуваше пандемијата.
Затоа, Виенскиот туристички одбор (Виен Турисус) започна светска маркетинг кампања, од Јапонија, преку Франција до САД и ги информираше сите љубители на културата и Виена за можностите за следење на концертот на австриската државна телевизија ОРФ, што се емитува во живо во 90 земји или преку Интернет.
„Виенската филхармонија има глобално значење, како и новогодишниот концерт, кој испраќа музички поздрав од Виена до светот. Овој момент го користиме за да ги охрабриме љубителите на културата уште еднаш да копнеат за патување во Виена
рече директорот на Виенскиот туристички одбор, Норберт Кетнер.
„Ако 2020 година беше концерт на класична музика …“ е насловот на меѓународната кампања на социјалните мрежи поврзана со концертот на Филхармонијата во Виена и покажува еден осамен пар сложени слушалки кои симболизираат сè што ни се случи во 2020 година. Кампањата се води под #ОдВиенаСоЉубов и цели 16 земји за кои туристичкиот одбор откри дека нивните жители најмногу ја посетуваат Виена.
Првиот новогодишен концерт на Виенската филхармонија беше изведен на 31 декември 1939 година, а од 1941 година традиционално се одржуваше секој први јануари во новата година. Концертот во 2021 година ќе биде првиот во историјата што ќе се изведува исклучиво со виртуелна публика.
Овој пат, аплаузите ќе одекнат во салата благодарение на специјалниот софтвер и звучен систем Поет Аудио од Грац, а ќе се слушне и на телевизија, објави Еуроком-ПР Сараево.