Од првата минута на 18 август граѓаните ќе плаќаат повисоки цени на горивата. Регулаторната комисија за енергетика одлучи малопродажната цена на дизелот да се зголеми за 6,5 денари за литар, додека малопродажните цени на бензините да се зголемат за 4,5 денари за литар. Со зголемување од 6 денари ќе се продава и екстра лесното масло за домаќинства, додека цената на мазутот ќе поскапи за 0,188 денари за килограм.
„Нафтата ЕУРОДИЗЕЛ ќе се продава по цена од 98,00 денари за литар.
Бензинот ЕУРОСУПЕР БС-95 по цена од 91,50 денари за литар.
Бензинот ЕУРОСУПЕР БС-98 по цена од 93,50 денари за литар.
Екстра лесното масло за домаќинства ќе се продава по 98,50 денари за литар.
Мазутот М-1 ќе се продава по цена од 43,726 денари за килограм.“
Денешната одлука на РКЕ ја вклучува и намалената акциза од 2 денари за литар за двата бензина и намалената акциза од 4 денари за литар за дизел горивото.
„Од вечерва на полноќ поскапуваат цените на нафтените деривати и бензините. Граѓаните апелираат до властите за намалување на акцизата, но и на ДДВ, со цел да се стабилизира цената и да нема несакани ефекти во поскапувањето на цените на услугите, но и на производите.“, вели репортерот на ТВ21.
„Апелирам да дадат донации или да ги намалат акцизите и данокот, тоа е сè. Колку од приходите трошите само за деривати во текот на месецот? Не знам, не патувам често, некаде 100 евра месечно.“
„Па, воопшто е скапо, не само овде! Не само кај нас во Македонија, туку и во регионот и во целиот свет. Војната си го прави своето, така мислам јас! Колку влијае ова поскапување врз вашиот бизнис? Ние сме превозници, но многу влијае, бидејќи колку повеќе правиме трошоци, треба да ја зголемиме цената на услугата, бидејќи фирмите што вршат транспорт на стоки од други места или обратно, тоа влијае врз цената, нормално, а цената е многу висока.“
Во споредба со минатата недела, односно 10 август, одлуката на РКЕ донесе зголемување на цените од 4,85% за нафтените деривати.
Референтните цени на нафтените деривати на светскиот пазар, во споредба со претходната пресметка, во просек се зголемиле: за бензинот за 8,9%, за дизелот за 10,9%, за екстра лесното масло за 9,8 %, а за плинот 0,8%.
Курсот на денарот во однос на доларот во изминатиот период, по кој цените беа формирани со претходната пресметка, е понизок за 0,22%