Денеска на Владина седница, утре пред пратениците, законот за попис ќе претрпи мали промени поради договорот за одложување.
„Таа измена се сведува на две прашања, тоа е датумот на пописот кој што е во една одредба и наместо од 1-ви до 21-ви април, ќе го ставиме од 5-ти до 30-ти септември и делот дека дијаспората ќе може да се попишува од 1-ви март до 30-ти септември кога треба да заврши теренскиот дел од пописот“, посочи Бојан Маричиќ.
По договор на претседателот на Собранието и координаторите на политичките партии, утре ќе мора истиот да се изгласа на пленарна седница, бидејќи е последен ден пред старт на најголемата статистичка операција.
„Законот за попис беше примарно доставен во постапка со европско знаме, затоа што тој е класифициран со европско знаме, така што јас ќе предложам на Владата да го усвои и испрати во Собранието со европско знаме и по скратена постапка заради итноста на моментот во кој се наоѓаме пред започнување пописот“, додава Бојан Маричиќ.
Од правда го избираат овој пат, со скратена постапка и европско знаменце за да не избегне евентуална блокада на измената на законот и поднесување на илјадници амандмани од политичка партија која е против одложувањето на пописот.