Најновите физичко-хемиски испитувања на Охридското Езеро потврдуваат дека водата на речиси сите популарни локации е со висок квалитет и безбедна за капење. Во текот на првите десет дена од овој месец, стручните тимови од ЈЗУ „Центар за јавно здравје Охрид“ зедоа примероци и извршија детална анализа на вкупно 11 мерни места, на потегот кој се протега од авто-кампот „Андон Дуков“ па сè до хотелот „Ројал“.
Според добиените резултати од терен, состојбата со квалитетот на езерската вода е следна:
На 8 мерни места е утврдено дека водата е од прва класа.
На 2 мерни места водата припаѓа на втора класа.
Само на една локација, односно на плажата „Грашница“, водата е категоризирана во трета класа.
Важна напомена: Согласно законските норми и регулативи, капењето е дозволено во вода со квалитет од прва и втора класа, што значи дека речиси целото опфатено крајбрежје ги исполнува стандардите за безбедно рекреирање.
Примероците за оваа анализа биле земени според сите стандарди – на оддалеченост од 20 до 100 метри од брегот и на длабочина од 2 до 3 метри. Мерењата беа спроведени на следниве точни локации: авто-камп „Андон Дуков“, плажа „Грашница“, плажа „Лабино“, пред хотел „Ројал“, градското пристаниште, плажа „Ј’но“, „Сараиште“, „Потпеш“, „Канео“, пред одморалиштето „Партизан“ и пред хотелот „Мизо“.