Шест опозициски партии во Јужна Кореја поднесоа предлог за отповикување на претседателот Џун Сук Јеол, откако тој се обиде да воведе вонредна и воена состојба во земјата.
Јужнокорејскиот претседател Џун прогласи вонредна состојба во телевизиско обраќање доцна во вторникот, обвинувајќи ги „антидржавните сили“ дека ја попречуваат неговата влада и ја поддржуваат Северна Кореја.
Шест часа подоцна, тој ја укина воената состојба откако парламентот гласаше против.
Би-Би-Си наведува дека гласањето за смената на Јун треба да се одржи во следните 72 часа, а претседателот на парламентот Ву Вон-сик би можел да свика седница на која ќе се разговара за импичмент за два дена.
За да се усвои предлогот потребно е двотретинско мнозинство во парламентот кој има 300 пратеници, што значи дека за смената треба да гласаат најмалку 200.