31-годишен турски државјанин, кој бил баран со меѓународна потерница поради сомнение за вмешаност во убиство во Северна Македонија, е уапсен на граничниот премин Морина, при обид да влезе во Албанија.
Како што соопшти албанската полиција, припадници на граничната полиција во Морина, во соработка со Интерпол Тирана, го идентификувале и го привеле лицето со иницијали Б. К., со живеалиште во Турција.
По извршените проверки било утврдено дека 31-годишникот се наоѓа на меѓународна потерница распишана од властите во Северна Македонија, поради сомнение за учество во убиство. Потрагата по него била заснована на наредба од 27 октомври 2026 година, издадена од Основното јавно обвинителство Скопје.
По апсењето, специјалистите за истрага на тешки кривични дела при Полициската управа во Кукс ги презеле соодветните постапки за негово екстрадирање во Северна Македонија.
Албанскиот Интерпол, во соработка со надлежните институции во Северна Македонија, продолжува со процедурите за екстрадиција на 31-годишникот.