Двојка во Јужна Кореја случајно уништи уметничко дело вредно 500.000 американски долари, што го сметаа за дел од „партиципативна уметност“.
Неименувано уметничко дело со димензии 240 см на 700 см беше сликано од графичарот JonOne во 2016 година пред публиката во Сеул.
Секогаш кога уметноста ќе се премести од изложба на изложба, покрај неа се ставаат четки за боја и бои што се користат за нејзино создавање. Откако ги виделе, парот рекол дека сметаат дека уметноста е отворена за учество и дека решиле да додадат свои допири, пренесува Ројтерс. Според персоналот на изложбата, на снимките од видео надзор се гледа како маж и жена прскаат и тријат боја на уметничко дело.
Повикана е полиција и двојката е уапсена, сепак персоналот одлучи да не покрене обвинение бидејќи тоа беше чесна грешка.
„Тие сметаа дека им е дозволено да го сторат тоа како уметност на учество и не беа во право”, рече Канг Вук, шефот на изложбата. „Во моментов разговараме со уметникот дали да го обновиме“, додаде Вук.
По инцидентот, организаторите на изложбата ставија жичена ограда околу сликата и го додадоа натписот „Не допирај“.