Во рамки на учеството на претседателот Стево Пендаровски на Анталија дипломатскиот форум кој се одржа на тема: „Иновативна дипломатија: нова ера, нови пристапи“, денеска тој се обрати на лидерскиот панел на тема: „Како можеме да ја зајакнеме регионалната солидарност во поглед на научените лекции?“
Претседателот Пендаровски во својот настап зборуваше за состојбата предизвикана од Ковид-19 во земјите од Западен Балкан истакнувајќи дека сите бевме сведоци како би изгледала нашата реалност доколку секоја земја остане сама и доколку сите механизми за соработка развиени во минатото, бидат целосно или делумно напуштени.
Меѓу другото, претседателот истакна дека пандемијата покрај девастирачкиот ефект врз начинот на живот, покажа и дека повеќе соработка и поголема солидарност значи полесно справување со проблемите и тешкотиите.