Пензионерите се упатија кон филијалите на банките за да ја подигнат априлската пензија. Почнувајќи од овој месец со мерката за финансиска помош, на нивните сметки се пуштени дополнителни 1000 денари. Ова ќе се реализира и во мај и јуни.
Над 3000 пензионери ќе земат повисоки пензии за 1000 денари овој месец, да ги прашаме дали се задоволни со пензиите и што можат да купат за 1000 денари?
Просечната пензија во земјава за март оваа година изнесува 266 евра!
Според последните официјални податоци од Фондот за пензиско осигурување, пензии повисоки од 50 илјади денари примаат само 351 пензионер, што е 0,1% од вкупниот број пензионери. Министерството за труд и социјална политика соопшти дека пензиите се сигурни на сметките на пензионерите, пензискиот систем е стабилен и функционира без проблеми.